Pra heta paviedamiŭ siońnia žurnalistam ministr unutranych spraŭ Biełarusi Ihar Šunievič, piša BiełTA.
Ministr padkreśliŭ, što ŭ MUS «zacikaŭleny ŭ tym, kab maksimumalna abstalavać vonkavyja słužby videarehistratarami». Zaraz 98% supracoŭnikaŭ DAI majuć ich u aŭtamabilach, pieranosnych pryboraŭ krychu mienš — kala 70%. Ihar Šunievič dadaŭ, što praces zakupki idzie, ale nie zmoh skazać, kali videarehistratary buduć va ŭsich supracoŭnikaŭ patrulna-pastavoj słužby i ŭčastkovych. «Praces zakupki idzie pastajanna. Adšukvać mahčymaści minimizacyi vydatkaŭ, šukajem tendary», - adznačyŭ jon.
Pa słovach Ihara Šunieviča, asnaščeńnie videarehistratarami - žyćciovaja nieabchodnaść. Heta daść mahčymaść ustanavić abjektyŭny kantrol za dziejańniami supracoŭnikaŭ pravaachoŭnych orhanaŭ, a taksama dyscyplinuje tych, chto ŭdzielničaje ŭ pracesie kantaktaŭ ź milicyjaj. Zapis videarehistrataraŭ stanie abjektyŭnym dokazam pry vyrašeńni sprečnych pytańniaŭ.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary