Sa studentami Bresckaha ŭniviersiteta raźbiralisia, čamu jany addali podpisy za Bałonski praces
Na minułym tydni aktyvisty arhanizacyi «Dziedzič», jakaja abjadnoŭvaje studentaŭ i vypusknikoŭ Bresckaha ŭniviersiteta, źbirali podpisy za realizacyju darožnaj karty Bałonskaha pracesu.
Ludzi z «Dziedziča» dumajuć, što bałonskija standarty nabliziać biełaruskuju adukacyju da ŭzroŭniu lepšych jeŭrapiejskich VNU, źniščać depresiŭnyja adukacyjnyja praktyki savieckich časoŭ.
«Podpisy źbiralisia vakoł univiersiteckich korpusaŭ i studenckich internataŭ. Bolšaść studentaŭ stanoŭča staviłasia da reformaŭ i padpisyvali pietycyju. Adnak byli tyja, chto ličyŭ raźmierkavańnie abaviazkovym, bo, maŭlaŭ, u vioskach nie chapaje śpiecyjalistaŭ. Traplalisia studenty, jakija ličyli, što Bałonski praces źnizić jakaść adukacyi ŭ Biełarusi: vypuskniki ŭ Jeŭrasajuzie kudy słabiejšyja za našych. Sustrakalisia i skieptyki, jakija ličyli, što pietycyja ničoha nie źmienić, ale podpis stavili», — infarmuje sajt arhanizacyi, śćviardžajecca, što tych podpisaŭ sabrałasia tysiača. Ich adpravili ŭ Ministerstva adukacyi.
Praŭda, kali da administracyi studenckaha haradka dajšli čutki, što studenty za niešta padpisvalisia, pačali «dziorhać» starast hrup.
Voś takuju pierapisku UKantakcie nam pierasłaŭ adzin sa studentaŭ z paznakaj «u nas tut žorstki kipiš».
Słovy «Nie treba było. Źbiaru vas na nastupnym tydni i patłumaču» napisała sacyjalny piedahoh adnaho ź internataŭ Halina Karabčuk.
Studenty skazali nam, što pieršapačatkovyja pretenzii byli ŭ tym, što zbor podpisaŭ «nie ŭzhadnili», a taksama, što Bałonski praces — heta nibyta «pratest suprać isnaj sistemy adukacyi».
Sama ž taja tłumačalnaja sustreča adbyłasia ŭčora, 18 krasavika.
Jašče raniej my sprabavali byli pahavaryć z Halinaj Karabčuk, ale jana spačatku rabiła vyhlad, što nie razumieje, pra što idzie havorka, a potym prosta nie zmahła patłumačyć svaje dziejańni.
A na sustrečy sa studentami, jak jany nam raskazali, užo nijakaha radykalizmu nie było.
«Nam kazali ŭ duchu «vy pavinny viedać, što vy padpisvajecie», voś tak. Heta kali chtości nie zdoleŭ uciamna patłumačyć, čamu jon padpisaŭsia. Kankretnaj niejkaj krytyki nie było, było bolš šumu napiaredadni. Praŭda, usio adno nie jasna, navošta nas źbirać i havaryć pra heta, kali my ŭsie darosłyja ludzi — chto za što choča, za toje i padpisvajecca», — raskazali nam pra źmiest sustrečy studenty.
Ciapier čytajuć
«Pamiery pałochajuć». Jak vyhladaje znutry novaadkryty handlovy centr u «Minsk-Śviecie» FOTY11
Kamientary