Bolšaściu krain Jeŭrazijskaha sajuza niaźmiennyja lidary kirujuć dziesiacihodziami. Vyniatak składaje Kyrhyzstan. Paśla čarady pieravarotaŭ tam adbyŭsia druhi mirny pierachod ułady. Spačatku časovym prezidentam była Roza Atunbajeva, ad jaje pasada kiraŭnika krainy pierajšła da Ałmaźbieka Atambajeva — mocnaj postaci kyrhyzskaha palitykumu.
Paśla skančeńnia terminu jahonych paŭnamoctvaŭ jon prapanavaŭ u jakaści pierajemnika Saaranbaja Žeenbiekava.
I voś kanflikt: parłamient Kyrhyzstana vynies votum niedavieru uradu premjera Sapara Isakava. Hetak prajaviłasia procistajańnie novaha prezidenta i kiraŭničaj partyi, jakaja jaho vyłučyła i jakuju pa-raniejšamu kantraluje Atambajeŭ.
Pierad tym Žeenbiekaŭ adpraviŭ u adstaŭku kiraŭnika dziaržbiaśpieki i hienprakurora, pryznačanych Atambajevym.
Nasielnictva Kyrhyzstana składaje 6 młn. Kraina nie maje vychadu da mora i miažuje z Kitajem, Kazachstanam, Uźbiekistanam (ź jakim maje naciahnutyja adnosiny) i Tadžykistanam. Adnosiny z Rasijaj Biškiek razhladaje jak procivahu kitajskamu ŭpłyvu. U krainie raźmieščanaja bujnaja rasijskaja vajskovaja baza. Kyrhyzy majuć daŭnija plemiannyja tradycyi samakiravańnia, svojeasablivaj viečavoj demakratyi.
Atambajeŭ pačaŭ krytykavać Žeenbiekava ŭ apošni miesiac.
