Navukoŭcy nie znajšli ŭ hrabnicy Tutanchamona nijakich patajemnych pakojaŭ
Ułady Jehipta vyrašyli spynić pošuki schavanych pamiaškańniaŭ u hrabnicy faraona Tutanchamona. Daśledčyki praviali skanavańnie ścien hrabnicy, jakoje pakazała, što ŭ ścienach niama pusteč, paviedamlaje BBC.
Pošuki sakretnaha pamiaškańnia pačalisia paśla taho, jak brytanski archieołah Nikałas Ryŭz, jaki vyvučaŭ zdymki hrabnicy ŭ vysokim razroźnieńni, vyjaviŭ pad tynkoŭkaj niešta, što jon paličyŭ razmytymi abrysami dźviarej.
U svaim artykule «Pachavańnie Niefiercici» navukoviec śćviardžaŭ, što paraŭnalna nievialikaja pachavalnia pieršapačatkova pryznačałasia mienavita dla Niefiercici — žonki faraona Echnatona, baćki Tutanchamona, i što jaje pareštki mohuć znachodzicca ŭ hłybini hrabnicy da hetaha času. Pavodle teoryi Ryŭza, kali Tutanchamon raptoŭna pamior u maładym uzroście, jaho pryjšłosia paśpiešna chavać u źniešniaj kamiery hrabnicy Niefiercici ŭ dalinie Karaloŭ na poŭdni Jehipta.
«Napeŭna, niekatorych rasčaruje toje, što za ścianoj hrabnicy Tutanchamona ničoha nie akazałasia. Ale ź inšaha boku, u hetym i jość sapraŭdnaja navuka», — adznačyŭ kiraŭnik italjanskaj daśledčaj hrupy doktar Frančeska Parčeli.
U vyniku pradstaŭniki ministerstva kulturnaj spadčyny Jehipta pahadzilisia z kančatkovaj vysnovaj italjanskich navukoŭcaŭ.
-
Karotkija teksty ad štučnaha intelektu zamiest spasyłak — Google zapuściŭ novuju sistemu pošuku
-
Samsung źbirajecca pastavić na smartfonach jašče adzin štučny intelekt, akramia Gemini
-
«Absalutna niečakanyja i nievytłumačalnyja padziei adbyvajucca ciapier kala Ziamli». Vybuch soniečnaj płazmy pakazvaje rekordnuju chutkaść
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary