Parłamient Vienhryi pieraabraŭ Viktara Orbana na pasadu kiraŭnika ŭrada. Vystupajučy pierad deputatami, toj zajaviŭ, što era libieralnaj demakratyi ŭ krainie zaviaršyłasia.
Vystupajučy pierad deputatami, Orban raspavioŭ pra dasiahnieńni svajho ŭrada za papiarednija dva terminy. «My zamianili libieralnuju demakratyju, jakaja tonie, chryścijanskaj demakratyjaj XXI stahodździa, jakaja harantuje ludziam svabodu i biaśpieku», — skazaŭ jon.
«Naša demakratyja padtrymlivaje tradycyjnuju siamju, asnovaj jakoj źjaŭlajucca mužčyna i žančyna. Jana strymlivaje prajavy antysiemityzmu i daje nadzieju na budučy rost»,
— zajaviŭ Orban.
Kamientujučy krytyku ŭ svoj adras z boku ES, premjer zajaviŭ, što jaho kraina maje patrebu ŭ ES, adnak i toj maje patrebu ŭ Vienhryi.
U Brusieli nie raz krytykavali palityku Orbana, jaki admaŭlajecca prymać biežancaŭ zhodna z raspracavanymi ŭ ES kvotami. U suviazi z hetym u prajekcie biudžetu ES na 2021-2027 hady praduhledžana skaračeńnie finansavańnia Budapiešta «za padryŭ viaršenstva prava». U svaju čarhu, ministr zamiežnych spraŭ i handlu Vienhryi Pieter Siljarta 9 maja vykazaŭ niezadavolenaść tym, što «Brusiel bolš turbuje los mihrantaŭ, čym stanovišča 150 tysiač vienhraŭ u Zakarpackaj vobłaści susiedniaj Ukrainy».
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary