Vajenkamat paprasiŭ prabačeńnia i padaryŭ televizar vieteranu, jakoha pavinšavali z 9 Maja praterminavanym piačeńniem
10 maja brescki abłasny vajenkamat jašče raz pavinšavaŭ vieterana Arkadzia Blachiera, jaki prajšoŭ ad Stalinhrada da Bierlina, z Dniom Pieramohi i ŭručyŭ jamu sučasny VK-televizar. Pra heta Tut.by paviedamiŭ vajskovy kamisar Bresckaj vobłaści Jaŭhien Zajcaŭ.
Nahodaj dla sustrečy staŭ incydent, jaki adbyŭsia napiaredadni. 9 maja da Arkadzia Maisiejeviča pryjšli z vajenkamata i pavinšavali z Dniom Pieramohi, uručyŭšy suchpajok. U skryncy lažali banka tušonki, para banak hračanaj kašy, niekalki pakunačkaŭ harbaty, cukru, a taksama ŭpakoŭka piačeńnia, termin prydatnaści jakoha skončyŭsia 1 krasavika.
Vajenkam Bresckaj vobłaści nazvaŭ hety vypadak nieparazumieńniem.
— Hetyja pajki kamplektavalisia jašče ŭ lutym da 100-hodździa Uzbrojenych sił Respubliki Biełaruś. Nichto nie mierkavaŭ, što u praduktaŭ skončyŭsia termin daŭnaści, — panarakaŭ Jaŭhien Stanisłavavič.
Pa słovach surazmoŭcy, hety padarunak nasiŭ simvaličny charaktar:
— Zaŭsiody isnavaŭ u vieteranaŭ i sałdat taki pryncyp: dzialicca apošnim suchpajkom, apošniaj bankaj tušonki. (…) Heta suvienirny nabor, jaki my dorym ŭsim vieteranam Uzbrojenych sił, vieteranam Vialikaj Ajčynnaj vajny. Toje, što ŭ piačeńnia skončyŭsia termin prydatnaści, nam, viadoma ž, niepryjemna.
Abłasny vajskovy kamisar raspavioŭ, što, jak tolki daviedaŭsia pra zdareńnie, naviedaŭ vieterana i prynios svaje prabačeńni.
Čytajcie taksama: Bresckaha vieterana pavinšavali z 9 Maja suchpajkom z praterminavanym piečyvam
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja50
Kamientary