Zialenski: Novy raŭnd pieramoŭ ab zaviaršeńni vajny projdzie na nastupnym tydni
Prezident Ukrainy Uładzimir Zialenski ŭ intervju ahienctvu Bloomberg paviedamiŭ, što pryniaŭ prapanovu ZŠA pravieści jašče adzin raŭnd pieramoŭ pra zakančeńnie vajny z Rasijaj na nastupnym tydni.
Pa słovach ukrainskaha prezidenta, na stale taksama znachodzicca amierykanskaja ideja «volnaj ekanamičnaj zony» jak bufiera na Danbasie, adnak da jaje abodva baki staviacca skieptyčna:
«Nivodnamu z bakoŭ ideja volnaj ekanamičnaj zony nie padabajecca — ni rasijanam, ni nam», — adznačyŭ Zialenski, adnačasova nie adkidajučy mahčymaść kančatkovaha razhladu hetaj prapanovy.
Jon padkreśliŭ, što ŭ pytańni bufiernaj zony kiravać joju pavinna dziaržava, jakoj naležyć terytoryja, i ciapier samy realistyčny varyjant dla Danbasa — fiksacyja sił uzdoŭž linii frontu:
«Kali heta naša terytoryja — a heta naša terytoryja — to kiravać joju pavinna kraina, jakoj jana naležyć».
Zialenski taksama adznačyŭ, što lubuju miratvorčuju prapanovu Ukraina pavinna zaćvierdzić albo praz hałasavańnie ŭ Viarchoŭnaj Radzie, albo praz refierendum, a dla pieramirja patrebny kantrol pry ŭdziele ZŠA — baki jašče ŭzhadniajuć farmuloŭku i detali.
Akramia taho, Ukraina płanuje ŭzmacnić pieramoŭnuju kamandu ekanamičnym błokam: da delehacyi majuć pryciahnuć ministra ekanomiki Alaksieja Sobaleva dla abmierkavańnia z ZŠA ekanamičnaha aśpiektu paślavajennych damoŭlenaściaŭ.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich3
Kamientary