Pra heta siońnia zajaviŭ Alaksandr Łukašenka na pieramovach z prezidentam Tadžykistana Emamali Rachmonam, paviedamlaje BiełTA.
«Dziakuj vam za zaprašeńnie pryjechać u hety vydatny horad, u hetuju pracavituju krainu, da hetaha pryhožaha naroda. My vielmi ŭvažliva sočym za raźvićciom Tadžykistana. Mianie asabliva ciešać tempy, ź jakimi raźvivajecca kraina. Ja zaŭsiody z zadavalnieńniem adznačaju, što pa tempach raźvićcia vy pieraŭzychodzicie Kitajskuju Narodnuju Respubliku. Heta vydatna. my bačym niaŭzbrojenym vokam, jak źmianiajecca stalica. Navat prylacieŭšy nočču, ja heta zaŭvažyŭ. I siońnia jašče raz pierakanaŭsia ŭ tym, što vy na pravilnym šlachu. I, paviercie, my za vas vielmi rady», — skazaŭ kiraŭnik dziaržavy.
«Ja asabista vielmi chaču, kab Tadžykistan staŭ u šerah samych raźvitych i pieradavych krain, bo hety staražytny vialiki narod hetaha zasłuhoŭvaje. Vielmi šmat vy dla hetaha zrabili. A ja tut dla taho, kab umacavać našy suviazi», — adznačyŭ Łukašenka.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary