Sud Minskaha rajona vynies prysud u dačynieńni da piaciarych žycharoŭ Minskaha rajona, jakija vymahali 650 dalaraŭ u chatniaj rabotnicy, paviedamili ŭ pres-słužbie Minskaha abłsuda.
52-hadovaja paciarpiełaja nieaficyjna padzarablała uborkaj u damach. Praz znajomuju da jaje pa dapamohu źviarnułasia adna z abvinavačanych. Pierad navahodnimi śviatami 2016 hoda svajaki ŭ čarhovy raz zaprasili žančynu prybrać u katedžy ŭ ich prysutnaści.
Siamja (siamiejnaja para, baćki maładoj žančyny i baćka jaje muža) vyrašyła inscenavać kradziež u ich $ 650, jakija nibyta lažali ŭ škarpetcy na šafie i prapali paśla ŭborki pakoja. Kala sutak abvinavačanyja prymusova ŭtrymlivali žančynu, źbivali, pahražajučy u tym liku jaje siamji, kali jana nie viernie «skradzienyja» hrošy. Dla zastrašvańnia paciarpiełuju vyvieźli na mohiłki, vymusili jaje dać «pryznańni» i napisać raśpiski.
Žančyny — žonka i jaje maci — prysudžanyja da 4 hadoŭ 6 miesiacaŭ pazbaŭleńnia voli z adbyvańniem u kałonii ahulnaha režymu. Mužčynam pryznačana pakarańnie taksama ŭ vyhladzie pazbaŭleńnia voli — na termin ad 4 da 4 hadoŭ 6 miesiacaŭ kałonii ŭzmocnienaha režymu. U kožnaha ź ich kanfiskujuć majomaść.
Na karyść paciarpiełaj spahnana 2 tysiačy rubloŭ kampiensacyi maralnaj škody.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki16
Kamientary