Źmieny ŭ CT zakranuć ustupnuju kampaniju 2019 hoda, paviedamiŭ siońnia žurnalistam ministr adukacyi Biełarusi Ihar Karpienka.
«Hetyja novaŭviadzieńni zakranuć ŭžo kampaniju 2019 hoda. Tamu pakul nie budziem uvodzić u zman abituryjentaŭ. Chaj jany rychtujucca pa isnujučych praviłach i zaćvierdžanych prahramach», - skazaŭ ministr.
Jon nahadaŭ, što siertyfikat minułaha hoda budzie dziejničać. Tolki krychu pavialičany parohavyja značeńnia pryjomu, kab paźbiehnuć vypadkovaściaŭ i ŭ VNU pastupili maładyja ludzi z peŭnaj bazavaj padrychtoŭkaj i ŭzroŭniem viedaŭ. «Tamu vypusknikam treba prosta siadać i sistematyzavać tyja viedy, jakija jość, — adznačyŭ Ihar Karpienka. — Padrychtavacca hruntoŭna, kab padčas ustupnaj kampanii pakazać surjoznyja vyniki».
Ministr źviarnuŭ uvahu, što i ŭ nastupnym hodzie padčas ustupnaj kampanii ničoha revalucyjnaha nie adbudziecca. «Tamu kali buduć padpisanyja praviły pryjomu ŭ novaj redakcyi, usio daviedajucca zahadzia, i možna budzie abmiarkoŭvać. Pakul ža pra heta kazać rana», — dadaŭ jon.
