Sioleta ŭpieršyniu Ruch «Za Svabodu» pradstaŭlaje dvuchuzroŭnievuju prahramu. Pieršy etap — heta try rehijanalnyja škoły ŭ Biełarusi. Pieršaja z hetaj sieryi škoła projdzie ŭ Minsku ŭ pačatku lipienia, jašče dźvie — u abłasnych centrach na zachadzie i ŭschodzie Biełarusi.
Navučańnie budzie padzielena na čatyry błoki: palityka, ekanomika, historyja i kultura. Vykładajuć u škole ŭ pryvatnaści ekanamist Siarhiej Čały, historyk Uładzimir Arłoŭ, palitołah Ryhor Astapienia, paetesa Valaryna Kustava, palitołah Alaksandr Fiaduta.
Najlepšyja ŭdzielniki rehijanalnych škoł pajeduć u Varšavu. Tam adbuducca sustrečy z deputatami siejma Polščy, pradstaŭnikami polskaha miascovaha samakiravańnia, viadomymi zamiežnymi ekśpiertami.
Navučańnie ŭ Škole Ruchu «Za Svabodu» chiba najbolš cikava budzie tym, chto imkniecca zastavacca «ŭ trendzie» jeŭrapiejskich tendencyj i choča aryjentavacca ŭ šlachach raźvićcia Biełarusi. Studenty daviedajucca, jak Biełarusi i biełarusam «zavajavać» Jeŭropu, jak našu krainu bačać susiedzi, u čym našy plusy, minusy i admietnaść.
Dla ŭdziełu nieabchodna zapoŭnić ankietu da 6 červienia ŭklučna, adno z pytańniaŭ jakoj hučyć tak: «U čym admietnaść Biełarusi». Na padstavie hetaj infarmacyi budzie praviedzieny konkursny adbor, vyniki jakoha buduć abvieščany da 10 červienia.
Arhanizatary biaruć na siabie apłatu prajezdu, pražyvańnia (dla ŭsich uzroŭniaŭ škoł) i dapamohu ŭ vizavaj padtrymcy.
Uzrostavyja abmiežavańni ŭdzielnikaŭ: 18-30 hod.
Miescaŭ zastałosia niebahata, tamu kali jość žadańnie, varta pryśpiešycca.
Pośpiechaŭ!
