Sud u Niderłandach rasparadziŭsia aryštavać aktyvy «Hazproma» dla vykanańnia rašeńnia Stakholmskaha arbitražu, jaki abaviazaŭ rasijskuju kampaniju vypłacić ŭkrainskamu «Naftahazu» 2,6 miljarda dalaraŭ.
Chadajnictvy pra aryšt byli padadzienyja «Naftahazam» u hałandski sud u kancy maja, paviedamiła ŭkrainskaja kampanija.
«Šeść ź siami daččynych kampanij «Hazproma» ŭ Hałandyi admovilisia supracoŭničać z sudovymi vykanaŭcami. Adnak usio heta nijak nie paŭpłyvaje na aryšt», — paviedamili ŭ «Naftahazie».
Rašeńnie ab aryšcie aktyvaŭ «Hazproma» dla vykanańnia rašeńnia Stakholmskaha arbitražu, nahadali va ŭkrainskaj kampanii, taksama pryniaŭ i šviejcarski sud.
Na dumku «Naftahaza», toj fakt, što «Hazprom» padaŭ apielacyju na rašeńnie Stakholmskaha arbitražu, «nie aznačaje aŭtamatyčnaj adterminoŭki abaviazacielstvy rasijskaj kampanii nieadkładna raźličycca i nie ŭpłyvaje na praces spahnańnia».
«Hazprom» zajavy «Naftahaza» ab aryšcie aktyvaŭ u Niderłandach pakul nie prakamientavaŭ.
