Bolš za 90 katoŭ trymała ŭ adnapakajovaj kvatery na vuł. Čajłytki žančyna, paviedamiła «Minsk-Naviny» dyrektar HP «Faŭna horada» Tamara Carykoŭskaja.
Susiedzi bili tryvohu z nahody stychijnaha prytułku dla niemałoj kolkaści biazdomnych žyvioł jašče ŭ 2010-m. Ale haspadynia kvatery nikoha da siabie nie puskała i vyrašyć prablemu było niemahčyma.
Prablema vyrašyłasia tolki 6 červienia, kali niečakana haspadynia adčyniła dźviery i ŭpuściła pradstaŭnikoŭ roznych słužbaŭ. Miarkujučy pa ŭbačanym u kvatery, čaćvieranohija spraŭlali naturalnuju patrebu prosta na padłohu i nichto za imi nie prybiraŭ.
Katoŭ zabrali i adpravili ŭ punkt časovaha ŭtrymańnia paśla taho, jak žančyna napisała zajavu ab pieradačy žyvioł u «Faŭnu horada». U zajavie hramadzianka napisała, što havorka idzie pra 94 katoŭ. Adnak paćvierdzić hetuju ličbu nie atrymlivajecca: dakładnuju kolkaść pryviezienych žyvioł supracoŭniki «Faŭny» padličyć pakul nie zmahli.
— Na pradpryjemstvie i biez taho znachodzilisia bolš za 100 katoŭ, a maksimalnaja kolkaść, jakuju my zdolnyja raźmiaścić, — 120. Dla novych katoŭ pryjšłosia vyzvalić pakoj, dzie raźmiaščalisia ščaniuki, jakich u svaju čarhu vymušanyja pierasialić u valjery.
Darosłyja katy, kacianiaty — usie ŭ žachlivym stanie: brudnyja, chvoryja, vočy hnajacca, a ŭ niekatorych jany i zusim adsutničajuć, śliź z nasoŭ, bolšaść čchaje… — adznačyła T. Carykoŭskaja. Pavodle jaje słoŭ, hetyja žyvioły majuć patrebu ŭ terminovym lačeńni, adnak, uličvajučy ich stan, nie fakt, što ŭsich možna budzie ŭratavać.
Da vyrašeńnia prablemy padklučylisia vałanciory zoaabarončych arhanizacyj. Niekalkich katoŭ na lačeńnie zabraŭ prytułak «Supierkot», niekaha navat častkova pryščapili. Ale bolšaść usio jašče na karancinie ŭ «Faŭnie horada».
Kali Kanapackaja stała padkantrolnaja Łukašenku? Raskazvajuć jaje siabry8
Kamientary