Rasijskaje čarnasociennaje vydańnie «Russkaja płanieta» praanalizavała biełaruska-rasijski małočny kanflikt. Žurnalisty ličać, što Biełarusi varta narešcie vyznačycca, z kim jana: z Rasijaj albo Zachadam.
U rasijskaha vydańnia niama nijakich iluzij — jany ŭpeŭnieny, što małočnaje pytańnie nie maje nijakaha dačynieńnia da jakaści biełaruskaha małaka. «Russkaja płanieta» pryznaje, što Raśsielhasnahlad staŭ instrumientam cisku na biełaruskaje kiraŭnictva: «Kali Uładzimir Pucin byŭ niezadavoleny Alaksandram Łukašenkam i kraina-susiedka pačynała pierachodzić niebiaśpiečnyja miežy niepryjemnych dla nas zalacańniaŭ z krainami Zachadu, małočnaja pradukcyja imhnienna pryznavałasia niebiaśpiečnaj».
Aŭtar miarkuje, što pryčyna niezadavolenaści rasijskaha kiraŭnictva ŭ zbližeńni Biełarusi i ES: viaducca pieramovy pra vizavuju libieralizacyju, Makiej usio čaściej sustrakajecca z zachodnimi dypłamatami, raście biełaruska-jeŭrapiejski tavarazvarot, Biełaruś imkniecca zrabić uniosak u jeŭrapiejskuju biaśpieku, prapanavała 5-dzionny biaźviz…
«Adnak, padobna, Biełaruś natraplaje na vyniki svajoj ułasnaj palityki», — piša «Russkaja Płanieta».
Na dumku vydańnia, adnosnyja ekanamičnyja pośpiechi Biełarusi zaŭsiody byli vynikam nieabmiežavanaha dostupu na rasijski rynak, atrymańnia tannych enierhanośbitaŭ z Rasii, a taksama rasijskich kredytaŭ. I ŭsio heta zakančvajecca. Rasijskaje vydańnie ličyć, što Biełarusi nie varta spadziavacca na damovy i pahadnieńni, padpisanyja z Rasijaj, bo jany ničoha nie vartyja: «Nie treba zabyvać, što vy ŭ Rasii, spadary. Ci tak užo ŭ nas redkija vypadki, kali na papiery pišuć adno, kažuć inšaje, a robiać treciaje?»
Ale Biełarusi nie varta kryŭdzicca, ličyć vydańnie, bo palityka impartazamiaščeńnia, jakuju pravodzić Rasija, całkam kapijuje palityku Biełarusi.
U paśpiachovaść sprob Biełarusi znajści inšych partnioraŭ «Russkaja Płanieta» nie vieryć. «Čas vyznačacca. Vybar moža być roznym. Dźviery adčynienyja tut. I pryadčynienyja tam. Važna ŭsio ŭzvažyć. I nie paškadavać», — piša vydańnie.
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary