Fota: REUTERS/Leah Millis
Karystalniki sacyjalnych sietak aktyŭna abmiarkoŭvajuć pocisk ruki prezidenta ZŠA Donalda Trampa i jaho francuzskaha kalehi Emaniuela Makrona, paśla čaho na ruce amierykanskaha lidara zastaŭsia bieły śled, pišuć «Iźviestija» sa spasyłkaj The Telegraph.
Kiraŭniki dziaržaŭ pa tradycyi paziravali pierad kamierami padčas pres-kanfierencyi na samicie «vialikaj siamiorki» (G7) u Kanadzie. Pieršym zrabić krok da pocisku ruki vyrašyŭ francuzski lidar, kranuŭšy ruku Trampa vyšej łokcia, ale prezident ZŠA nie adreahavaŭ na heta. Tady Makron nastojliva praciahnuŭ jamu dałoń.
Pocisk ruki palitykaŭ doŭžyŭsia 25 siekund i prademanstravaŭ «žorstkuju» chvatku prezidenta Francyi, bieły śled ad palca jakoha zastaŭsia na ruce kalehi. «Niesumnienna, heta było niajomkim incydentam z amierykanskim lidaram na samicie G7 ŭ Kanadzie», — piša The Telegraph.
Hazieta adznačaje, što, niahledziačy na sumiesnuju zajavu Trampa i Makrona pra toje, što prahres pa handlovych taryfach ZŠA dla Jeŭropy mahčymy, «miadźviedžy pocisk ruki» kaža pra adsutnaść parazumieńnia, a taksama pra toje, što amierykanski lidar, jaki słaviŭsia «žaleznaj chvatkaj», straciŭ svaje pazicyi.
Čytajcie taksama: Tramp zmachnuŭ pierchać z Makrona padčas sustrečy ŭ Biełym domie VIDEA
Fota: REUTERS
Samit G7 ŭ kanadskim Kviebieku zaviaršyŭsia 9 červienia. Jaho ŭdzielniki — Vialikabrytanija, Hiermanija, Italija, Kanada, ZŠA, Francyja i Japonija abmiarkoŭvali handlovyja taryfy amierykanskaj administracyi, jadziernuju prahramu Irana i Paryžskaje pahadnieńnie pa klimacie. Zakranuli i temu adnosin z Rasijaj, jakuju Tramp prapanavaŭ viarnuć u skład kłuba, z čym udzielniki sustrečy nie pahadzilisia.
