Były kiraŭnik Salihorskaha rajona Alaksandr Rymašeŭski staŭ dyrektaram dziaržaŭnaha sielhaspradpryjemstva «Radastaŭski» ŭ Drahičynskim rajonie Bresckaj vobłaści. Infarmacyju pra heta TUT.BY paviedamili infarmavanyja krynicy i paćvierdzili na samim pradpryjemstvie, dzie pracuje 160 čałaviek.
«Tak, z učorašniaha dnia ŭznačalvaje», — skazali ŭ AAT «Radastaŭski», adkazvajučy na pytańnie, ci sapraŭdy Alaksandr Rymašeŭski pryznačany novym kiraŭnikom pradpryjemstva. U pryjomnaj dyrektara dadali, što Rymašeŭski «vielmi zaniaty», tamu nie moža davać kamientary.
Na dniach Rymašeŭski vyjšaŭ na volu, adbyŭšy pad vartaj paŭhoda. U śniežni 2017 hoda sud Minskaj vobłaści prysudziŭ byłoha kiraŭnika Salihorskaha rajona da 8 hadoŭ pazbaŭleńnia voli ŭ kałonii ŭzmocnienaha režymu c kanfiskacyjaj majomaści. Sud taksama zabaraniŭ jamu zajmać kirujučyja pasady na praciahu piaci hadoŭ i pastanaviŭ spahnać z eks-staršyni 28 561 rubiel.
Pavodle infarmacyi krynicy TUT.BY, Alaksandr Rymašeŭski byŭ pamiłavany prezidentam.
AAT «Radastaŭski» stvorana ŭ kancy 2016 hoda šlacham pieraŭtvareńnia sielskahaspadarčaha vytvorčaha kaapieratyva «Radastaŭski» u adpaviednaści z ukazam prezidenta ad 17 lipienia 2014 h. № 349 «Ab rearhanizacyi kałhasaŭ (sielskahaspadarčych vytvorčych kaapieratyvaŭ)». Raniej u Radastava byŭ kałhas «Čyrvony partyzan».
