Hramadzianin Vialikabrytanii, jaki znachodzicca ŭ biełaruskaj kałonii, 20 červienia abviaściŭ haładoŭku. Ab hetym paviedamiła žonka Ałana Śmita na svajej staroncy ŭ Facebook, piša Novy čas.
Haładoŭka pačałasia 20 červienia ŭ PK-3, patrabavańni Ałana nieviadomyja. «Heta šakujučyja i vielmi stresavyja naviny. Tolki Boh viedaje, što adbyvajecca ŭ hetaj turmie», — kaža žonka Ałana Mahdalena.
Ałan Śmit byŭ abvinavačany ŭ arhanizacyi niezakonnaj mihracyi praź biełaruskuju miažu i ŭ 2016 hodzie byŭ prysudžany da 2 hadoŭ pazbaŭleńnia voli. U sudzie svaju vinu nie pryznaŭ.
Jak pisała Radyjo Svaboda, 45-hadovy Ałan Śmit rodam z Kurdystanu, žyŭ u Łondanie. Razam z žonkaj jany mieli ŭ Polščy kampaniju, jakaja zajmałasia naładžvańniem biźnies-suviaziaŭ kurdskich i jeŭrapiejskich biźniesoŭcaŭ i arhanizoŭvała ŭ Jeŭropie lekavańnie pacyjentaŭ ź Blizkaha Uschodu. Pryjechaŭšy ŭ Biełaruś, Śmit dapamahaŭ hramadziancy Kurdystanu, invalidcy, jakaja zakonna, pa vizie, prybyła ŭ Biełaruś, aformić dazvoł na znachodžańnie ŭ Biełarusi. Paźniej vyśvietliłasia, što taja žančyna, razam sa svajoj siamjoj — usiaho 6 čałaviek — źbiralisia mihravać dalej u Jeŭrasajuz. Ałanu, jaki nie mieŭ dačynieńnia da pierasiačeńnia imi miažy, inkryminavali arhanizacyju niezakonnaj mihracyi. u sudzie svaju vinu nie pryznaŭ, śmieła zajaviŭšy ab užyvańni za kratami katavańniaŭ.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary