Pjany vaśmikłaśnik na matacykle sprabavaŭ syści ad pahoni DAI i sutyknuŭsia sa słužbovym aŭtamabilem, paviedamlaje DAI UUS Minabłvykankama.
U Zasłaŭi supracoŭniki DAI ubačyli kiroŭcu na matacykle Dniepr biez uklučanych far i rehistracyjnych znakaŭ.
Supracoŭniki milicyi prapanavali matacyklistu spynicca. Toj praihnaravaŭ pravaachoŭnikaŭ i sprabavaŭ uciačy. Ale vypadkova stuknuŭ słužbovy aŭtamabil DAI i raźbiŭ mašynie zadni levy lichtar. Paśla sutyknieńnia jon saskočyŭ z matacykła i ŭciok. Ale nieŭzabavie byŭ zatrymany.
Vyśvietliłasia, što za rulom matacykła znachodziŭsia niećviarozy 8-kłaśnik, navučeniec adnoj sa škoł Zasłaŭja. Chłopiec unačy ź siabram adznačaŭ svajo 15-hodździe. Pavodle jaho słoŭ, jany vypili litrovuju ŭpakoŭku pładova-jahadnaha vina, paśla čaho jon uziaŭ matacykł, jaki raniej ich kampanija kupiła ŭ znajomaha. A paśla DTZ kinuŭ matacykł, prybieh dadomu i loh spać.
Supracoŭniki DAI chutka vyśvietlili, chto byŭ za rulom, i patelefanavali maci padletka. Jana i adviała syna da pravaachoŭnikaŭ. Ahlad pakazaŭ 0,74 pramile. Niepaŭnaletni parušyŭ šerah PDR, praduhledžanych siamju artykułami KaAP. Ale za nievykanańnie abaviazkaŭ pa vychavańni dziciaci pa art. 9.4 KaAP pakarajuć jaho maci.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami55
Kamientary