FK «Zara»
Andrej Łunin, jaki raniej prajšoŭ u «Reale» miedahlad, zaklučyŭ kantrakt na šeść hadoŭ. Pra heta paviedamlaje pres-słužba madrydskaha kłuba. Raniej Łunin vystupaŭ za kłub «Zara» (farmalna — Łuhansk).
Zhodna z paviedamleńniem Marca, «Reał» zapłaciŭ za ŭkrainca €8,5 młn. Jašče €5 młn «Zara» moža atrymać u jakaści bonusaŭ.
Ukrainiec dałučycca da «Reała» na pieršym pieradsiezonnym zbory, jaki adbudziecca ŭžo paśla čempijanatu śvietu. Paśla hetaha novy hałoŭny trenier kamandy Chulen Łapietehi prymie rašeńnie ab tym, dzie mienavita praviadzie Łunin nastupny siezon — u maładziožcy kłuba, u asnovie ci budzie addadzieny ŭ arendu.
Za apošnija dva hady Łunin pravioŭ va ŭsich turnirach 51 matč (jon vystupaŭ za «Zaru», «Dniapro» i ŭkrainskuju maładziožnuju zbornuju). U 20 z hetych matčaŭ jon nie prapuściŭ anivodnaha hoła.
Akramia «Reała», na Łunina pretendavaŭ «Livierpul».
