12 červienia ŭ pačatku siomaj viečara ŭ dvary doma №8 pa vulicy Siamionava ŭ Babrujsku miascovaja žycharka hulała ź dziećmi. Raptam na dziciačaj placoŭcy jana znajšła sabaku, jaki pamiraŭ, ź pierarezanym u dvuch miescach horłam. Nie razhubiŭšysia, žančyna adviezła sabaku ŭ vietlačebnicu, dzie sabaku praapieravali — jaho atrymałasia vyratavać.
Za miedycynskuju dapamohu sabaku babrujčancy pryjšłosia vykłaści kala sta rubloŭ. Adziny šaniec žančyny atrymać nazad hetyja hrošy ŭ tym, što złamyśnika znojduć. Tady ŭ sudzie ź jaho možna budzie zapatrabavać kampiensacyju.
Vieterynar, jaki rabiŭ apieracyju, adznačyŭ, što rany vidavočna rezanyja, i sam sabie ich sabaka zrabić nie moh pry ŭsim žadańni. U milicyi paabiacali dasłać ŭčastkovaha i razabracca. U toje, što skurałupa znojduć, miascovyja žychary vierać nie nadta.
