Masavy chrost pratestantaŭ u voziery na poŭdni Biełarusi FOTA

Raz na hod u Alšanskim voziery ŭ vioscy Alšany (Stolinski rajon Bieraściejščyny) prymajuć chrost vierniki Carkvy viery evanhielskaj. Sioleta ich było 91 čałaviek. Poŭnaje pahružeńnie ŭ vadu — nieabchodnaja častka relihijnaha rytuału. Sama słužba, u jakoj u minułuju niadzielu ŭdzielničała kala dźviuch tysiač čałaviek, prachodzić na bierazie voziera. Repartaž padrychtavała Radyjo Svaboda.

Pavialičyć

Chryščeńnie — adno z najhałoŭniejšych śviataŭ dla pratestantaŭ. Sioleta ŭ vioscy Alšany abrad prachodzić pieršy raz. Zvyčajna chrosty adbyvajucca adzin-dva razy na hod. Ale časam, raskazvajuć miascovyja vierniki, achvotnikaŭ «pakajacca» źbirajecca tak šmat, što mohuć prachodzić i try chrosty na hod. Samyja šmatludnyja — da 100 i bolš čałaviek — prachodziać uletku.

Carkva chryścijan viery evanhielskaj sioleta adznačyła 90-hodździe. Pieršaje chryščeńnie adbyłosia 28 traŭnia 1928 hodu. Tady pieršy chrost pryniali kala 100 čałaviek.

Vopratka pavinna być biełaja i čystaja. Dziaŭčaty, jakija prymajuć chrost, apranajuć medycynskija chałaty, chłopcy —biełyja kašuli i čornyja nahavicy. Usie biez abutku. «Tak skłałasia ŭžo tradycyjna, — kažuć pastyry. — Ale vopratka ničoha nia značyć».

U voziery chryściać piać pastyraŭ. «U saviecki čas, kali relihija była pad zabaronaj, — raskazvaje pastar Michaił, — abrad prachodziŭ tajna ŭ pojmie raki Prypiać». Sioleta chrost prymaje 91 čałaviek. Samamu małodšamu 17 hadoŭ, najstarejšamu — 80.

Pavialičyć

Pierad chrostam adbyvajecca słužba na bierazie. Abaviazkovy rytuał — heta apuskańnie ŭ vadu. Letam — u miascovaje Alšanskaje voziera. Chrost i akunańnie ŭ vadu prachodziać pry lubym nadvorji. Hetym razam temperatura pavietra była +16. Ale na chałodnuju vadu nia skardziŭsia nichto.

Pastar Michaił kaža, što ŭ saviecki čas pratestantaŭ nia brali ŭ VNU i navat nie davali atrymać załaty medal u škole. «Adnamu z našych bratoŭ navat nie dali mahčymaść atrymać załaty medal, choć jon vielmi dobra vučyŭsia. Jaho prasili: «Ty skažy, što čałaviek pachodzić ad małpy, to budzie załaty, a kali nie, to nia budzie». Navat było, što viernikaŭ u kałhas nia brali».

Chrost možna prymać tolki z 14 hadoŭ, ale zvyčajna chryściacca bližej da 18. «Heta majo śviadomaje samastojnaje rašeńnie, jakoje ja pryniała ciapier sama, biez upłyvu rodnych i siabroŭ», — kaža 17-hadovaja Maryja.

Pavialičyć

Paśla akunańnia ŭ vadu vierniki pieraapranajucca ŭ suchuju vopratku iźbirajucca ŭ koła. Pieršymi ich vinšujuć pastary i dorać kožnamu ružu. Paśla da vinšavańniaŭ dałučajucca rodnyja i siabry.

U Alšanach žyvie kala 8 tysiač čałaviek. Ź ich bolš za 3 tysiačy naviedvajuć pratestanckuju carkvu. U niadzielnuju škołu chodziać 1100 dziaciej.

• 0
• 0
• 0
• 0
• 0
• 0
• 0
• 0