Suśvietny lidar u raspracoŭcy rašeńniaŭ u absiahu raspaznańnia asob NtechLab abviaściŭ pra zaviaršeńnie z 1 lipienia 2018 hoda pracy nad prajektam FindFace.ru — unikalnym i pieršym u śviecie servisam dla pošuku ludziej pa fatahrafii ŭ najbujniejšaj rasijskaj sacyjalnaj sietcy «Ukantakcie». Adznačałasia, što heta stratehičnaje rašeńnie dazvolić kampanii zasiarodzić usie resursy na maštabnych inavacyjnych prajektach dla dziaržavy i biznesu.
Anłajn-servis FindFace.ru zapuścili ŭ lutym 2016 hoda i za try miesiacy pracy jon nabraŭ bolš za miljon aktyŭnych karystalnikaŭ, patrapiŭšy ŭ top-10 rekamiendavanych dadatkaŭ u AppStore i GooglePlay. Sakretam pośpiechu prajekta staŭ unikalny ałharytm raspaznavańnia asob, na jakim zasnavany servis. Ałharytmu FindFace patrabujecca pałova siekundy, kab paznać čałavieka z bazy ŭ 500 miljonaŭ asob z dakładnaściu bolš za 80 adsotkaŭ.
