Fota: Twitter Helier Cheung.
U Tajłandzie praciahvajecca apieracyja pa vyratavańni dziciačaj futbolnaj kamandy ź piačory, vychad ź jakoj zatopleny.
Płan tajskich uład praduhledžvaje adpampoŭvańnie vady ź piačory i ekstranny kurs dajvinha dla chłapčukoŭ. Paśla taho, jak uzrovień vady apuścicca, chłopčyki ŭ supravadžeńni prafiesijnych dajvieraŭ buduć pa adnym sprabavać vybracca ź piačory.
Tajskija ŭłady paviedamili, što čaćviora chłopčykaŭ užo atrymałasia vyciahnuć na pavierchniu. Było vyrašana pačać z vyratavańnia samych sasłabiełych chłopčykaŭ.
U rajonie vyratavalnaj apieracyi miascovyja žurnalisty pabačyli mašyny chutkaj dapamohi i viertaloty.
Fota: Twitter Helier Cheung.
Zaraz apieracyja prypyniłasia da paniadziełka. Ratavalnikam nieabchodna 10 hadzin, kab padrychtavacca da nastupnaj misii.