Alimpijski čempijon Uład Hančaroŭ ažaniŭsia i nikomu nie skazaŭ
Alimpijski čempijon Rya-de-Žaniejra Uładzisłaŭ Hančaroŭ zaniaŭ pieršaje miesca na etapie Kubka śvietu — 50th Nissen Sup pa skačkach na batucie ŭ šviejcarskaj Arozie. A ŭ spabornictvach siarod žančyn na hetym ža starcie jaho žonka — Hanna Hančarova — stała druhoj. Amatary sportu zaŭvažyli, što para vystupaje pad adnym proźviščam.
Uładzisłaŭ Hančaroŭ i Hanna Harčanok, jakija doŭhi čas byli žanichom i niaviestaj, ažanilisia jašče ŭ kancy minułaha hoda. U pieradačy «Intervjuha» Hančaroŭ raspavioŭ, što viasielle jany z Hannaj nie afišavali — i jano prajšło cicha, biez zališniaj pampieznaści.
— Usio prajšło cicha, u kole siamji. Amal nikomu pra heta nie raskazvali. Choć da hetaha šmatlikija karespandenty pytalisia: kali ž viasielle? A kali heta adbyłosia, va ŭsich prapała cikavaść da hetaj padziei. Ale my nie chacieli viasiella ŭ zvyčajnym jaho razumieńni, chacieli dla jaje siabie, kab było prosta siamiejnaje śviata. Jak chacieli - tak i zrabili. I vielmi zadavolenyja.
Uładzisłaŭ adznačyŭ, što dziaciej maładaja siamja pakul nie płanuje zavodzić:
— Dźvie nastupnyja Alimpijady — dakładna nie. A tam - jak Boh daść.
Budučaje dzicia Uładzisłaŭ maje namier addać u sport. U jakuju kankretna siekcyju, budzie bačna potym.
— Ale kali budzie šmat dziaciej, to adnaho dakładna na batut pryviadu, - z uśmieškaj zaŭvažyŭ alimpijski čempijon.
— Seks na Alimpijskich hulniach adciahvaje abo dapamahaje? - pacikaviŭsia viadučy Alaksandr Karenman.
-0 Napeŭna, adciahvaje bolš. Usio ž taki tabie treba zasiarodzicca na spabornictvach, a nie na niejkich uciechach, - surjozna adkazaŭ Uład.
Viasielnyja fota ni Hanna, ni Uładzisłaŭ u svaich akaŭntach u sacsietkach nie raźmiaščali. U asnoŭnym tam zdymki sa spartovych spabornictvaŭ i adpačynku, časam — sa śvieckich mierapryjemstvaŭ. U «Adnakłaśnikach» i «Ukantakcie» Hanna — pad dziavočym proźviščam Harčanok, a ŭ instahramie - pad proźviščam muža.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary