Алімпійскі чэмпіён Улад Ганчароў ажаніўся і нікому не сказаў
Алімпійскі чэмпіён Рыа-дэ-Жанейра Уладзіслаў Ганчароў заняў першае месца на этапе Кубка свету — 50th Nissen Сup па скачках на батуце ў швейцарскай Арозе. А ў спаборніцтвах сярод жанчын на гэтым жа старце яго жонка — Ганна Ганчарова — стала другой. Аматары спорту заўважылі, што пара выступае пад адным прозвішчам.
Уладзіслаў Ганчароў і Ганна Гарчанок, якія доўгі час былі жаніхом і нявестай, ажаніліся яшчэ ў канцы мінулага года. У перадачы «Інтэрв'юга» Ганчароў распавёў, што вяселле яны з Ганнай не афішавалі — і яно прайшло ціха, без залішняй пампезнасці.
— Усё прайшло ціха, у коле сям'і. Амаль нікому пра гэта не расказвалі. Хоць да гэтага шматлікія карэспандэнты пыталіся: калі ж вяселле? А калі гэта адбылося, ва ўсіх прапала цікавасць да гэтай падзеі. Але мы не хацелі вяселля ў звычайным яго разуменні, хацелі для яе сябе, каб было проста сямейнае свята. Як хацелі - так і зрабілі. І вельмі задаволеныя.
Уладзіслаў адзначыў, што дзяцей маладая сям'я пакуль не плануе заводзіць:
— Дзве наступныя Алімпіяды — дакладна не. А там - як Бог дасць.
Будучае дзіця Уладзіслаў мае намер аддаць у спорт. У якую канкрэтна секцыю, будзе бачна потым.
— Але калі будзе шмат дзяцей, то аднаго дакладна на батут прывяду, - з усмешкай заўважыў алімпійскі чэмпіён.
— Сэкс на Алімпійскіх гульнях адцягвае або дапамагае? - пацікавіўся вядучы Аляксандр Карэнман.
-0 Напэўна, адцягвае больш. Усё ж такі табе трэба засяродзіцца на спаборніцтвах, а не на нейкіх уцехах, - сур'ёзна адказаў Улад.
Вясельныя фота ні Ганна, ні Уладзіслаў у сваіх акаўнтах у сацсетках не размяшчалі. У асноўным там здымкі са спартовых спаборніцтваў і адпачынку, часам — са свецкіх мерапрыемстваў. У «Аднакласніках» і «Укантакце» Ганна — пад дзявочым прозвішчам Гарчанок, а ў інстаграме - пад прозвішчам мужа.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё9
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары