Udzielnik ad Ukrainy nie zmoža ŭziać udzieł u dziciačym «Jeŭrabačańni 2018» z-za krytyčnaha niedafinansavańnia Nacyjanalnaj hramadskaj teleradyjokampanii Ukrainy.
«Nacyjanalnaja hramadskaja teleradyjokampanija Ukrainy jak čalec Jeŭrapiejskaha viaščalnaha sajuza štohod zabiaśpiečvaje ŭdzieł Ukrainy ŭ dziciačym «Jeŭrabačańni», adnak sioleta z-za krytyčnaha niedafinansavańnia hramadskaha viaščalnika pradstaŭnik ad Ukrainy nie zmoža ŭdzielničać u mižnarodnym piesiennym konkursie», — havorycca ŭ paviedamleńni.
Jak adznačajecca, udzieł u dziciačym «Jeŭrabačańni» praduhledžvaje značnyja vydatki teleradyjokampanii na praviadzieńnie adboračnaha etapu, a taksama abaviazkovy ŭniosak u Jeŭrapiejski viaščalny sajuz (arhanizatar konkursu) za ŭdzieł u mierapryjemstvie.
Mižnarodny dziciačy konkurs pieśni «Jeŭrabačańnie-2018» projdzie ŭ Minsku 25 listapada.