28 lipienia — padarožža pa brasłaŭskim krai.
Brasłaŭski rajon zdaŭna ličycca adnym z samych malaŭničych kutkoŭ Biełarusi. Uzhorystyja łandšafty i mnostva azior, złučanych pamiž saboj dzivosnymi ŭzorami račułak i vadajomaŭ, nadajuć kraju asablivy kałaryt i niepaŭtornaść…
Adzinym manumientalnym i značnym pa svaich pamierach budynkam u Vidzach źjaŭlajecca kaścioł Naradžeńnia Najśviaciejšaj Maryi Panny, uźviedzieny ŭ pačatku XX st. blizu handlovaj płoščy. Hety budynak z čyrvonaj cehły, jaki ŭvabraŭ u svaju architekturu matyvy ramanskaha i hatyčnaha dojlidstva. Akramia taho, vy pabačycie Uśpienskuju staravierskuju carkvu XX st. i mahiłu Tomaša Vaŭžeckaha (1753—1816 hh.) — hramadska-palityčnaha i vajennaha dziejača VKŁ (aktyŭnaha ŭdzielnika paŭstańnia 1794 h. pad kiraŭnictvam Tadevuša Kaściuški).
Nas čakaje Opsa z radavym majontkam Plateraŭ XX st. Pachodžańnie rodu hrafaŭ Plateraŭ źviazana ź siaredniaviečnaj Hiermanijaj. U 1210 h. upieršyniu zhadvajecca rycar ź Viestfalii — Chumbiert fon Plater. Rod Plateraŭ — adzin z samych mahutnych rodaŭ VKŁ. U ich rodzie byli miecenaty, kaštalan, vajavody, pasły, palityki i navukoŭcy.
Serca staražytnaha Brasłava — i ŭ minułym, i siońnia — Zamkavaja hara. Nierehularnaja płaniroŭka sa źvilistymi vulicami i malaŭniča raskidanymi na pahorkach kamianicami nadaje svojeasablivaje začaravańnie hetamu kutku aziornaj stalicy. U horadzie zachavalisia ŭzory narodnaha draŭlanaha dojlidstva, a taksama charakternaja ansamblejevaja zabudova ŭ styli madern. Dva kultavyja pomniki kanca XIX st. — Carkva Uśpieńnia Najśviaciejšaj Baharodzicy i Kaścioł Naradžeńnia Najśviaciejšaj Panny Maryi — svaimi viežami farmujuć vyrazny siłuet horada. Z Zamkavaj hary adkryvajecca niezabyŭnaja panarama Brasłava.
U Słabodcy my naviedajem najpryhažejšy nieahatyčny kaścioł Providu Božaha XX st. Unikalnaja architektura i niepaŭtorny interjer kaścioła nie pakinuć vas abyjakavymi.
Upieršyniu Druja zhadvajecca ŭ Chronicy Stryjkoŭskaha pad 1386 h. Heta byŭ nievialiki horad, jaki znachodzicca la miesca ŭpadzieńnia raki Drujki ŭ Dźvinu. Horad histaryčna składaŭsia z troch častak — Drui, Sapiežyna (častki horada, jakaja naležyła Sapieham) i Pijedruja, jakaja znachodzicca na supraćlehłym baku Dźviny (ciapier terytoryja Łatvii). Horad byŭ nievialikim, i tamu atrymaŭ Mahdeburhskaje prava i hierb paraŭnalna pozna, u 1620 h. Najbolej cikavaj z pomnikaŭ architektury Drui, biezumoŭna, źjaŭlajecca były klaštar i kaścioł biernardzincaŭ, zasnavany Sapiehami ŭ XVII st. Na bierazie Dźviny zachavaŭsia samy stary pomnik Drui — Barysaŭ kamień XII st.
Daviedacca padrabiaznaści i zapisacca ŭ vandroŭku pa brasłaŭskim krai možna pa telefonach:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary