Padatkaviki pra novuju bazu dadzienych ab dachodach: najmalniki buduć paviedamlać ab usich vypłatach rabotnikam

U infarmacyjnaj bazie dadzienych ab dachodach nasielnictva, jakaja ciapier pracuje ŭ testavym režymie, budzie ŭtrymlivacca infarmacyja ab usich hrašovych pastupleńniach biełarusaŭ. U bazie buduć sabranyja dadzienyja jak pra pastupleńnia ŭnutry krainy, tak i z-za miažy. Pra heta siońnia ŭ čas pramoj telefonnaj linii paviedamiła FINANCE.TUT.BY namieśnica ministra pa padatkach i zborach Śviatłana Šaŭčenka.

Akramia taho, usie arhanizacyi pavinny buduć pradstaŭlać padatkavikam dadzienyja ab usich hrašovych pastupleńniach svaich supracoŭnikaŭ.

Pavialičyć

Nahadajem, u Biełarusi stvaryli infarmacyjnuju bazu dadzienych ab dachodach hramadzian.

— U infarmacyjnaj bazie buduć źbiracca źviestki ab usich dachodach hramadzian, atrymanych na terytoryi Biełarusi, atrymanych za miežami krainy, — udakładniła Śviatłana Šaŭčenka. — Infarmacyja atrymlivajecca z samych roznych krynic, u tym liku na padstavie pahadnieńniaŭ ab infarmacyjnym abmienie pamiž zamiežnymi dziaržavami i Biełaruśsiu. Jašče taki momant — padatkovyja ahienty buduć pradstaŭlać infarmacyju ab kožnaj vypłacie ŭ adnosinach da svajho rabotnika. Ab bolšaści hetych vypłat siońnia paviedamlajecca ŭ fond sacyjalnaj abarony, ale nie ab usich. Zaraz arhanizacyi paviedamlajuć nie pra ŭsie dachody, jakija vypłačvajuć svaim rabotnikam, a tolki pra tyja dachody, ź jakich robiacca adličeńni ŭ fond sacyjalnaj abarony.

Pa słovach pradstaŭnika MPZ, padatkaviki «i siońnia hetaksama dakładna vałodajuć źviestkami ab dachodach hramadzian, ale ciapier jany ŭtrymlivajucca ŭ roznych infarmacyjnych krynicach, ich abjadnajuć».

Zaraz baza dadzienych ŭviedziena ŭ doślednuju ekspłuatacyju i pravodzicca testavańnie. Całkam zapracuje baza, jak płanujecca, z 1 studzienia 2019 hoda.

— Z 1 studzienia płanujecca pradstaŭleńnie źviestak padatkovymi ahientami. Heta ŭ prajekcie zakonaprajekta ab uniasieńni źmianieńniaŭ u Padatkovy kodeks. Takaja prapanova była razhledžana, jano padtrymana. Ciapier jana ŭniesiena ŭ zakonaprajekt. Dalej budzie razhladacca zacikaŭlenymi bakami, deputatami.

Stvareńnie bazy było praduhledžana prezidenckim ukazam №322 «Ab pradastaŭleńni bieznajaŭnych žyllovych subsidyj» — dla pašyreńnia katehoryj hramadzian, jakija majuć prava na atrymańnie bieznajaŭnych žyllovych subsidyj pa vyjaŭlalnym pryncypie.

— Baza stvarajecca ŭ pieršuju čarhu dla vyjaŭleńnia tych asob, jakija majuć patrebu ŭ atrymańni bieznajaŭnych žyllovych subsidyj. Kab nie turbavać čałavieka, budzie vidać, ci pradastaŭlać čałavieku subsidyju, — udakładniła Śviatłana Šaŭčenka. — Źviestki taksama buduć vykarystoŭvacca taksama dla kantrolnych metaŭ, toj pracy, jakuju padatkovyja orhany robiać štodnia, tut ničoha novaha nie źjaŭlajecca.

• 0
• 0
• 0
• 0
• 0
• 0
• 0
• 0