Sačyć za paradkam na staličnych plažach ekołaham ciapier dapamahaje kvadrakoptar, abo dron, paviedamiŭ karespandentu ahienctva «Minsk-Naviny» načalnik adździeła apieratyŭnaha kantrolu Minskaha haradskoha kamiteta pryrodnych resursaŭ i achovy navakolnaha asiarodździa Dźmitryj Aleksandrovič.
Pradstaŭnik Minharkampryrody ŭdakładniŭ: rejdy pa zonach adpačynku la vady pravodziacca rehularna i parušeńniaŭ z kožnym hodam stanovicca ŭsio mienš. Tym nie mienš ekołahi trymajuć abstanoŭku na kantroli. Pastajanna praviarajuć svoječasovaść vyvazu śmiećcia z kantejniernych placovak, adsutnaść mašyn u 30-mietrovaj zonie la vady, najaŭnaść spraŭnych šłahbaumaŭ, jakija pierakryvajuć šlach niesankcyjanavanamu transpartu.
— Pry dapamozie drona vielmi zručna trymać pad kantrolem abstanoŭku na plažach. Ale heta nie adzinaja i nie asnoŭnaja funkcyja novaha abstalavańnia. U Minsku jość šerah davoli šyrokich pa płoščy terytoryj, jakija vielmi składana abjechać na transparcie. A za situacyjaj na hetych ŭčastki ekołaham taksama nieabchodna sačyć, kab svoječasova vyjaŭlać parušeńni. Heta i były vajenny palihon u Kałodziščach, i pojmy haradskich rek. Mienavita na takich učastkach my płanujem u pieršuju čarhu vykarystoŭvać robat, kab kantralavać stanovišča. Mahčyma, nam navat udasca vyjaŭlać padobnym čynam parušalnikaŭ, jakija ładziać niesankcyjanavanyja zvałki. Bo takaja prablema ŭ horadzie da hetaha času isnuje, — rastłumačyŭ D. Aleksandrovič.
Pavodle słoŭ śpiecyjalista, robat užo prajšoŭ bajavoje chryščeńnie. Z dapamohaj hetaha abstalavańnia abśledavali były vajskovy palihon u Kałodziščach, a taksama terytoryi plažaŭ na vadaschoviščach Drazdy i Krynica. Vynikami ekołahi całkam zadavolenyja.
— Akramia taho, što kvadrakoptar paskaraje praces abśledavańnia, jon jašče dapamahaje ekanomić paliva, a taksama spryjaje źmianšeńniu vykidaŭ ad transpartu ŭ atmaśfieru, što dla nas jak dla pryrodaachoŭnaj arhanizacyi taksama niemałavažna, — adznačyŭ ekołah.
Kamientary