Rasiejskaja hazavaja manapolija sutyknułasia z skaračeńniem pastavak hazu ŭ Eŭropu.
Ekspart rasiejskaha hazu ŭ minułym miesiacy skaraciŭsia na 8,3% u paraŭnańni z analahičnym peryjadam minułaha hodu.
Abjom zakupak skaracili najpierš asnoŭnyja pakupniki — Niamieččyna, Italija dy Turcyja. Ich nie zadavoliła rezkaje padvyšeńnie cenaŭ ź 1 kastryčnika da $460-520 za tysiaču kubametraŭ. Čakajecca, što skaračeńnie zakupak praciahniecca ŭ bližejšyja miesiacy, a asnoŭnyja straty manapolija prahnazuje ŭ nastupnym hodzie i źviazvaje ich sa skaračeńniem cenaŭ da $360-400 dla spažyŭcoŭ u Zachodniaj Eŭropie.
Adnak heta nie zaškodzić «Hazpromu» atrymać u hetym hodzie rekordny prybytak u pamiery $75-77 młrd. Manapolija raźličvaje kampensavać niedaatrymany prybytak za košt prodažu 22 młrd kubametraŭ hazu Biełarusi i 55 młrd kubametraŭ hazu Ŭkrainie pa $200 i $250-400 za tysiaču kubametraŭ adpaviedna.
Realnyja straty manapolija paniasie ŭ tym vypadku, kali ŭłady Rasiei abaviažuć pieravieści ekspartnyja kantrakty na rasiejski rubiel užo z 1 studzienia 2009 hodu, piša «Kommiersant'». Pra toje, što heta mahčyma, učora ŭ pasłańni da Federalnaha schodu kazaŭ prezydent Rasiei Dźmitry Miadźviedzieŭ. Raniej pra toje ž kazaŭ kiraŭnik rasiejskaha ŭradu Ŭładzimier Pucin.
U Biełarusi nazirajucca prablemy ź internetam. Voś što pišuć pra heta ludzi2
Kamientary