Suteniora ź Izraila, jaki vyvoziŭ u seksualnaje rabstva biełarusak, buduć sudzić
Hramadzianin Izrailu, aryštavany ŭ ramkach mižnarodnaj aperacyi suprać handlaroŭ ludźmi, vyviez piać maładych biełarusak u Izrail dla zaniatkaŭ prastytucyjaj, piša radyjo «Svaboda».
Jahonymi achviarami stali jašče žančyny z Rasiei i Ŭkrainy. Heta vyśvietliłasia padčas raśśledavańnia kryminalnaj spravy, paviedamiŭ načalnik hałoŭnaha ŭpraŭleńnia narkakantrolu i supraćdziejańnia handlu ludźmi Ministerstva ŭnutranych spraŭ Biełarusi Hienadź Kazakievič.
Kazakievič skazaŭ, što sutener aryštavany i sudzić jaho buduć u Biełarusi, pakolki jon i jahonaja žonka zajmalisia ŭ Biełarusi biznesam. Jany mieli vid na žycharstva. Ichnaja majomaść aryštavanaja.
Supolnymi namahańniami biełaruskaj milicyi i izrailskaj palicyi abiasškodzili mižnarodnuju hrupu ź piaci hramadzianaŭ Biełarusi i adnaho hramadzianina Izrailu, jakija pastaŭlali biełaruskich dziaŭčat u Izrail. Taksama sioleta pierakryli kanały pastaŭki «žyvoha tavaru» ź Biełarusi ŭ Tureččynu i Hrecyju.
Apošnim časam handal ludźmi vyjšaŭ na druhoje miesca pavodle prybytkaŭ u kryminalnym śviecie, skłaŭ letaś 32 młrd dalaraŭ i adciaśniŭ na treciaje miesca nielehalny handal zbrojaj. Ciapier prodaž ludziej u sučasnaje rabstva sastupaje ŭ prybytkach tolki narkatrafiku.
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy10
Kamientary