Сутэнёра з Ізраіля, які вывозіў у сэксуальнае рабства беларусак, будуць судзіць
Грамадзянін Ізраілю, арыштаваны ў рамках міжнароднай апэрацыі супраць гандляроў людзьмі, вывез пяць маладых беларусак у Ізраіль для заняткаў прастытуцыяй, піша радыё «Свабода».
Ягонымі ахвярамі сталі яшчэ жанчыны з Расеі і Ўкраіны. Гэта высьветлілася падчас расьсьледаваньня крымінальнай справы, паведаміў начальнік галоўнага ўпраўленьня наркакантролю і супрацьдзеяньня гандлю людзьмі Міністэрства ўнутраных спраў Беларусі Генадзь Казакевіч.
Казакевіч сказаў, што сутэнэр арыштаваны і судзіць яго будуць у Беларусі, паколькі ён і ягоная жонка займаліся ў Беларусі бізнэсам. Яны мелі від на жыхарства. Іхная маёмасьць арыштаваная.
Супольнымі намаганьнямі беларускай міліцыі і ізраільскай паліцыі абясшкодзілі міжнародную групу зь пяці грамадзянаў Беларусі і аднаго грамадзяніна Ізраілю, якія пастаўлялі беларускіх дзяўчат у Ізраіль. Таксама сёлета перакрылі каналы пастаўкі «жывога тавару» зь Беларусі ў Турэччыну і Грэцыю.
Апошнім часам гандаль людзьмі выйшаў на другое месца паводле прыбыткаў у крымінальным сьвеце, склаў летась 32 млрд даляраў і адцясьніў на трэцяе месца нелегальны гандаль зброяй. Цяпер продаж людзей у сучаснае рабства саступае ў прыбытках толькі наркатрафіку.
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары