Tyja, chto prymaŭ rašeńnie i davaŭ dazvoł na budaŭnictva va ŭročyščy Kurapaty restarana «Pajedziem pajadzim», pavinny byli ŭličvać sakralnaść hetaha miesca dla biełarusaŭ. Ale ciapier nieabchodna šukać varyjanty dla parazumieńnia, kaža ŭ kamientaryi Jeŭraradyjo deputat, staršynia kamisii pa mižnarodnych spravach Pałaty pradstaŭnikoŭ Valeryj Varaniecki.
«Heta miesca dla biełarusaŭ, dla našaj krainy maje značnaje sakralnaje značeńnie. Varta było pradbačyć, što budzie taja reakcyja, jakuju my siońnia nazirajem. Adpaviedna, pamyłki byli zroblenyja na tym etapie. A siońnia treba znachodzić šlachi vyrašeńnia - nielha pieratvarać situacyju ŭ niejkaje supraćstajańnie. Treba razmaŭlać i vychodzić na niejki kansensus, na parazumieńnie. Moža, na tym miescy budzie niejki muziejny kompleks. Heta chaj zacikaŭlenyja baki vyrašajuć: jość Minharvykankam, jość ułaśniki».
Pa słovach deputata, ułada nie pavinna dystancyjavacca ad pytańnia supraćstajańnia ŭ Kurapatach, a dałučycca da vyrašeńnia prablemy rašuča, kab narešcie było znojdzienaje rašeńnie, jakoje zadavolić usich.
