Rešta byłoj vieličy siadziby Strałkaŭ.
Flihiel biaz voknaŭ i dźviarej.
Na dvary staić stareńkaja technika.
Tutejšy śviran acaleŭ. U adroźnieńnie ad janavickaha kalehi.
Vinahrad paśpieŭ.
Siamja Strałkaŭ na hanku siadzibnaha domu (zdymak 1930-ch hh.)
Siadzibie Strałkaŭ, zasnavanaj na pačatku XX st., zbolšaha pašancavała — u jaje jość haspadar. Na padvorku staić staraja technika — hruzavik, traktar, pryčapnoje. Ale šancavańnie hetaje dosyć umoŭnaje: prykmiety zaniadbanaści tut paŭsiul — u zacyravanych hazetami dy celafanam voknach panskaha domu, u voknach flihiela bieź nivodnaj šybiny, u symbaličnaj bramie, ad jakoj zastalisia tolki abłuplenyja słupy. Za hetaj samaj bramaj, prajšoŭšy pamiž flihielem i nadziva acalełym śvirnam, možna pabačyć nievierahodnaj pryhažości krajavid — pieršyja ŭłaśniki siadziby viedali, dzie zbudavać.
«Biada, što naš biznes taki niaśmieły — nie rašajucca apiekavacca starymi damkami» — kaža staršynia HA «Biełaruskaje dobraachvotnaje tavarystva achovy pomnikaŭ historyi i kultury» Anton Astapovič. Ź im ciažka nie pahadzicca. Jedučy pa miascovych vioskach dy ŭskrainach Klecku i Niaśvižu, možna pabačyć dastatkova šykoŭnych damoŭ z darahimi aŭto pad voknami. Ich haspadary mahli b uziać pad apieku reštu byłoj vieličy siadzibaŭ Radziviłaŭ, Jalenskich, Bierazoŭskich, Vajcachoŭskich dy Pilaŭskich.