Premjer-ministr RF Dźmitryj Miadźviedzieŭ zajaviŭ, što ŭstupleńnie Hruzii ŭ NATA moža pryvieści da katastrafičnych nastupstvaŭ. Zajavu rasiejskaha premjera ŭ intervju radyjostancyi «Kommiersant FM».
«Heta (ustupleńnie Hruzii ŭ NATA) moža spravakavać strašny kanflikt, niezrazumieła, navošta heta patrebna», — skazaŭ Miadźviedzieŭ.
Kiraŭnik rasijskaha ŭrada taksama adznačyŭ, što vajny ŭ Hruzii ŭ 2008 hodzie možna było paźbiehnuć. «Nijakaj niepaźbiežnaści nie było», — skazaŭ Miadźviedzieŭ.
12 lipienia hienieralny sakratar NATA Jens Stołtenbierh znoŭ paćvierdziŭ namier arhanizacyi pryniać Hruziju ŭ aljans. Dziesiać hadoŭ tamu na samicie NATA ŭ Buchareście kiraŭniki dziaržaŭ aljansu paabiacali, što Ukraina i Hruzija z časam stanuć siabrami NATA.
Prezident RF Uładzimir Pucin, u svaju čarhu, zajaŭlaŭ, što Rasieja «vielmi niehatyŭna» pastavilisia b da dalejšaha pašyreńnia NATA praz uvachodžańnie ŭ aljans Hruzii i Ukrainy.
