Niekalki inviestaraŭ padali ŭ sud na Iłana Maska ŭ suviazi ź jaho niadaŭniaj siensacyjnaj zajavaj ab płanach skupić u akcyjanieraŭ kaštoŭnyja papiery Tesla i pieratvaryć kampaniju ŭ pryvatnuju, piša bbc.com.
Zajava ab tym, što Tesla moža stać pryvatnaj kampanijaj, pryviała da rezkaha rostu koštu akcyj kampanii. Praź niekalki hadzin paśla publikacyi zajavy Maska akcyi Tesla vyraśli na 11% i tarhavalisia amal pa 380 dalaraŭ za štuku.
Tyja inviestary, jakija ihrajuć na biržy na panižeńnie, z-za zajavy Iłana Maska panieśli vialikija straty — pa ich słovach, havorka idzie pra miljony dalaraŭ. Ciapier jany abvinavačvajuć Maska u tym, što jon uvioŭ inviestaraŭ u zman.
Pazovy padadzienyja ŭ fiederalny sud San-Francyska. Adzin z pazoŭnikaŭ — Kałman Ajzieks — śćviardžaje, što svajoj zajavaj Mask chacieŭ całkam pazbavicca ad «miadźviedziaŭ» — inviestaraŭ, jakija hrajuć na biržy na panižeńnie.
Pazoŭnik Uiljam Čambierłajn ličyć, što Iłan Mask parušyŭ fiederalnyja zakony i damohsia štučnaha rostu koštu akcyj Tesla. Sam Mask pakul nie prakamientavaŭ abvinavačvańni i infarmacyju ab padačy pazovaŭ u dačynieńni da jaho.
