Rasijskija ŚMI paviedamili pra dvajnoje samahubstva ŭ padmaskoŭnym horadzie Žaleznadarožny. 18-hadovy chłopiec i 20-hadovaja dziaŭčyna skočyli z dachu šmatpaviarchovika, sčapiŭšysia kajdankami.
Vyśvietliłasia, što zahinuły chłopiec — Raman Šynharkin, syn byłoha deputata Dziarždumy ad ŁDPR. Jon staŭ viadomy paśla letašniaj akcyi pratestu Alaksieja Navalnaha. Tady byli zatrymanyja bolš za 1000 čałaviek. Šynharkin naziraŭ za imi ź lichtara, palicejskija doŭha nie mahli źniać jaho adtul.
fota TASS
Chłopiec pakinuŭ u sacyjalnych sietkach vialiki dopis z tłumačeńniami, ale pastaviŭ jaho na tajmier — zapiska była apublikavanaja ŭžo paśla jaho śmierci:
«Kali vy čytajecie heta, to ja ŭžo miortvy. Spadziajusia, što miortvy. …Baćki maje nie vinavatyja. Jaje baćki taksama. Što jašče? Heta nie Navalny, nie kurs partyi (jak by mnie nie heta padabałasia, ale nie jon) … Heta ŭsio my vinavatyja. My sami sudździ, my sami vynieśli prysud, my sami jaho i vykanali».
Jaho dziaŭčyna Alaksandra taksama pakinuła dopis u sacyjalnych sietkach. Siabroŭcy jana patłumačyła, što pryčynaj samahubstva stali prablemy sa zdaroŭjem, sum, a taksama chutkaje rasstańnie z Ramanam.
