Расійскія СМІ паведамілі пра двайное самагубства ў падмаскоўным горадзе Жалезнадарожны. 18-гадовы хлопец і 20-гадовая дзяўчына скочылі з даху шматпавярховіка, счапіўшыся кайданкамі.
Высветлілася, што загінулы хлопец — Раман Шынгаркін, сын былога дэпутата Дзярждумы ад ЛДПР. Ён стаў вядомы пасля леташняй акцыі пратэсту Аляксея Навальнага. Тады былі затрыманыя больш за 1000 чалавек. Шынгаркін назіраў за імі з ліхтара, паліцэйскія доўга не маглі зняць яго адтуль.
Хлопец пакінуў у сацыяльных сетках вялікі допіс з тлумачэннямі, але паставіў яго на таймер — запіска была апублікаваная ўжо пасля яго смерці:
«Калі вы чытаеце гэта, то я ўжо мёртвы. Спадзяюся, што мёртвы. …Бацькі мае не вінаватыя. Яе бацькі таксама. Што яшчэ? Гэта не Навальны, не курс партыі (як бы мне не гэта падабалася, але не ён) … Гэта ўсё мы вінаватыя. Мы самі суддзі, мы самі вынеслі прысуд, мы самі яго і выканалі».
Яго дзяўчына Аляксандра таксама пакінула допіс у сацыяльных сетках. Сяброўцы яна патлумачыла, што прычынай самагубства сталі праблемы са здароўем, сум, а таксама хуткае расстанне з Раманам.
Каментары