U Biełarusi zapuskajuć hulniu pa baraćbie z kamunalnymi prablemami «Dobryja susiedzi». U pamočnikach — Ciocia Mocia
Niepryhožy padjezd i šmathadovaja łužyna kala ŭvachoda? Złamanyja areli i ržavaja horka na dziciačaj placoŭcy? Nivodnaha dreŭca, ale zanadta šmat mašyn? Paviercie: na ŭsio heta možacie paŭpłyvać vy sami! I nie bojciesia, vy nie adny: ciapier z vami — Ciocia Mocia.
Ofis jeŭrapiejskaj ekśpiertyzy i kamunikacyj abjaviŭ pra start hulni «Dobryja susiedzi: jak palepšyć žyćcio vakoł siabie».
Hałoŭnaja zadača hulni — natchnić udzielnikaŭ dy ŭdzielnic na pazityŭnyja źmieny miescaŭ, dzie jany žyvuć, i dać samy pieršy impuls i padkazki, nieabchodnyja dla hetych pieramienaŭ. Jany pierakanajucca, što zdolnyja na nievierahodnyja rečy, i ŭbačać, jak šmat možna zrabić razam.
U hulniu možna ŭklučycca ŭ luby momant, i dla kožnaha hulca jana doŭžycca šeść tydniaŭ. Kožny aŭtorak viadučaja hulni Ciocia Mocia adpraŭlaje ŭsim zarehistravanym elektronny list, a ŭ im — try zadańni. Nieabaviazkova vykonvać usie try, treba vybrać tolki adno: toje, jakoje padajecca samym simpatyčnym, aktualnym i pasilnym. Tym nie mienš tyja dva, što zastalisia, taksama možna rabić, kali jość nastroj, siły i žadańnie: za ich buduć naličany dadatkovyja bonusy.
U hulni niama strohich terminaŭ vykanańnia, i ŭdzielniki nie pavinny adpraŭlać spravazdačy kožny tydzień. Dla taho, kab prajści hulniu, atrymać siertyfikat i zaprašeńnie na sustreču samych aktyŭnych hulcoŭ i premiju «Zrabili», nieabchodna, kab było vykanana pa adnym zadańni z kožnaha etapa da kanca terminu hulni (šeść tydniaŭ).
Padrabiaźniej pra toje, jak možna zrabić śviet vakoł siabie lepšym, možna pačytać pa spasyłcy.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary