Muzyku na vuł. Kamsamolskaja i Revalucyjnaj u Minsku paśla 23.00 zrobiać cišej
Kałonki z fasadaŭ budynkaŭ pa vulicach Kamsamolskaja i Revalucyjnaja demantujuć. Takoje daručeńnie adkaznym słužbam daŭ siońnia staršynia Minharvykankama Andrej Šorac padčas vyjaznoha pryjomu hramadzian i jurydyčnych asob u administracyi Centralnaha rajona horada, paviedamlaje BIEŁTA.
Na pryjom da staršyni haradskoha vykanaŭčaha kamiteta źviarnulisia žychary damoŭ u kvartale. Pa ich słovach, ź pieraŭtvareńniem vulic u piešachodnuju zonu pa viečarach tut stała zanadta šumna. Muzyka ŭ kafe i restaranach nie ścichaje da druhoj hadziny nočy, stali źbiracca kampanii pjanych maładych ludziej.
Andrej Šorac daručyŭ pravieści sustreču z subjektami haspadarańnia pa hetym pytańni i ahavaryć režym raboty abjektaŭ, kab zabiaśpiečyć kamfortnyja ŭmovy dla pražyvajučych u hetym rajonie i achovu pravaparadku.
«Ja ličyŭ, što my praduhledzieli ŭsie mahčymyja varyjanty, kab nie pahoršyć umovy pražyvańnia. Ale, jak vidać, jość jašče pytańni - i kałonki, i praca muzykaŭ paśla 23.00, i niežadańnie niekatorych naviedvalnikaŭ vykonvać praviły pavodzin. Dumaju, naviadziem paradak, kab usim było kamfortna», — adznačyŭ Andrej Šorac
Kamientary