Pra vypadak, što zdaryŭsia 16 žniŭnia ŭ stalicy, paviedamlaje Śledčy kamitet.
Žychar Ispanii z zaplečnikam na śpinie pierasiakaŭ praśpiekt Mašerava pa piešachodnym pierachodzie. U hety momant zzadu da jaho nabliziŭsia mužčyna, jaki zaŭvažyŭ, što zaplečnik trochi pryadkryty i ŭ im znachodziacca hrošy. Padčas ruchu praz darohu jon akuratna dastaŭ hrošy, paśla čaho źbieh. Praź niekalki chvilin ŭładalnik zaplečnika pabačyŭ, što ŭ jaho skradzienyja 50 tysiač jeŭra.
Milicyja chutka znajšła złačyncu. Im akazaŭsia 34-hadovy minčuk, jaho raniej nieadnarazova pryciahvali da kryminalnaj adkaznaści za ŭčynieńnie kradziažoŭ.
Hrošy ŭ jaho znajšli ŭ tajniku, patraciŭ jon tolki 200 jeŭra.
Mužčynu źmiaścili pad vartu.
0
0
0
0
0
0
