Žychara Minska buduć sudzić za seksualny hvałt u dačynieńni 6-hadovaj plamieńnicy na Kamčatcy. Jon, pavodle śledstva, ździejśniŭ złačynstva jašče ŭ 2015 hodzie. Svaje złačynstvy zdymaŭ na videa.
Pavodle miascovaj prakuratury, 44-hadovy žychar Minska haściavaŭ u svajoj siastry. Jon ździejśniŭ suprać plamieńnicy hvałtoŭnyja dziejańni sieksualnaha charaktaru.
Adnačasova złačyniec zdymaŭ usio na fota i videa. Heta stała padstavaj abvinavacić jaho nie tolki ŭ hvałcie suprać dziaŭčynki, ale i ŭ vyrabie parnahrafičnych materyjałaŭ. Adzin z artykułaŭ, pa jakich jon abvinavačvajecca, praduhledžvaje da 15 hadoŭ pazbaŭleńnia voli, inšy — da 20.
Ciapier mužčyna znachodzicca ŭ biełaruskaj kałonii. Tut za anałahičnyja złačynstvy, a taksama niezakonny abarot narkotykaŭ jaho prysudzili da 14 z pałovaj hadoŭ pazbaŭleńnia voli.
