Jak havorycca na sajcie «Šanter Viełnes», heta pieršy ŭ Biełarusi centr, «jaki robić usie vidy azdaraŭlenčych pracedur, jakija prapanuje staražytnaja navuka ajurvieda».
Na sajcie centra ajurviedy havorycca, što jaho adkryła biełaruskaja kampanija TAA «Šanter» sumiesna z Wellness Solutions Pvt, Ltd (Respublika Indyja). Niekalki hadoŭ tamu «Šanter», nahadajem, uznačaliła byłaja pieršaja namieśnica kiraŭnika Administracyi prezidenta Natalla Piatkievič. Adzin z uładalnikaŭ kampanii — viadomy biznesmien Alaksandr Šakucin. «Šanter» zajmajecca turystyčnym biznesam u Biełarusi, u tym liku i viadomym kompleksam premium-kłasa «Čyrvony Bor».
Centr ajurviedy «Šanter Viełnes» adkryŭsia 9 lipienia, jon znachodzicca pad Minskam na terytoryi sanatoryja «Praleska». Kiruje im Žanna Chrustalova, biznesvumien i žonka viadomaha viadučaha Jahora Chrustalova. Jon, darečy, pravioŭ cyrymoniju adkryćcia centra.
Na sajcie centra možna daviedacca, što adnoj ź pieršych naviedvalnic była pasoł Indyi ŭ Biełarusi Sanhita Bahadur. Na fota pobač ź joj biznesmien Alaksandr Šakucin, Valancin Rybakoŭ, pastajanny pradstaŭnik Biełarusi pry AAN u Ńju-Jorku, i sama Natalla Piatkievič.
Centr prapanuje ajurviedyčnyja pracedury, prahramy dla amaładžeńnia arhanizma, pachudzieńnia, pazbaŭleńnia ad stresu. U im pracujuć śpiecyjalisty pa ajurviedzie ź indyjskaha štata Kierała.
Ajurvieda — tradycyjnaja sistema indyjskaj miedycyny, adzin ź vidaŭ alternatyŭnaj miedycyny.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha143
Kamientary