Režysior prosić padtrymać «nahami» film pa Bykavu, jaki vychodzić u prakat na biełaruskaj movie: «Kab usie pabačyli, što kino pa-biełarusku zapatrabavanaje»
Režysior Alaksandr Mielichaviec pačaŭ zdymać «Narodnych mściŭcaŭ» pavodle Vasila Bykava jašče ŭ 2010 hodzie, ale adsutnaść finansavańnia «zamaroziła» prajekt.
U 2016 hodzie Alaksandr pasprabavaŭ sabrać na film hrošy praz kraŭdfandynh, i znoŭ niaŭdača: na Tałace nie sabrali navat pałovy ź nieabchodnych 6 tysiač dalaraŭ.
Adnak ciapier stała viadoma, što režysior nie zakinuŭ hetaj spravy: z dapamohaj kredytu, pazykaŭ u siabroŭ i znajomych jon zmoh darabić stužku. Niadaŭna jaje ahučyli i ciapier płanujuć pradstavić šyrokaj aŭdytoryi ŭ kinateatrach.
Cikava, što za hetyja amal 8 hod u stužcy paŭdzielničali try składy akcioraŭ. U finalnaj 45-chvilinnaj viersii hrajuć akciory RTBD: Dźmitryj Davidovič, Arciom Kureń i Illa Jasinski.
U hety momant režysior zaviaršaje apošnija damoŭlenaści ź minskimi i inšymi kinateatrami: jon abiacaje, što na nastupnym tydni stanie viadoma, dzie i kali možna budzie pabačyć «Narodnych mściŭcaŭ».
«Ja b chacieŭ, kab ludzi padtrymali hety prakat nahami, bo tolki tak my možam pakazać čynoŭnikam, prakatčykam i filmmejkieram, što kino pa-biełarusku zapatrabavanaje. Usie jany dumajuć, što pakazvać biełaruskamoŭnaje kino niavyhadna kamiercyjna, davajcie dakažam, što heta nie tak. Pakažam, što biełaruskaja mova — heta nie abmiežavańnie, a mahčymaść, nie prosta tak ža jaje ŭ jakaści rodnaj padčas pierapisu paznačaje bolšaja častka nasielnictva. Biełaruskamoŭnaha ihravoha kino nie było ŭ vialikim kinaprakacie 25 hod. Zadumajciesia nad hetaj ličbaj…. A miž inšym, kino — heta asnoŭnaja i samaja dastupnaja zabava dla bolšaści našych ludziej. I heta mocny instrumient pašyreńnia ŭžyvańnia biełaruskaj movy…», — zaklikaje Alaksandr i płanuje, što jaho kino pabačyć minimum 30 tysiač biełarusaŭ.
Ciapier čytajuć
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA17
Kamientary