Nočču z 1 na 2 vieraśnia supracoŭniki DAI spytali dakumienty ŭ kiroŭcy matacykła «Jamacha». Ale toj vyrašyŭ źjechać.
Milicyjanty pajechali za im. Padčas pieraśledu matacyklist vyjazdžaŭ na tratuar, nieadnarazova prajazdžaŭ na čyrvony sihnał śviatłafora, vyjazdžaŭ na sustrečnuju pałasu.
«Ruchajučysia pa vulicy Radyjalnaj u kirunku Partyzanskaha praśpiekta, na skryžavańni z vulicaj Čaluskincaŭ, u vyniku nievykanańnia PDR matacyklist trapiŭ u DTZ. Jon atrymaŭ cialesnyja paškodžańni roznych stupieniaŭ ciažkaści i byŭ špitalizavany», — paviedamlaje milicyja.
Kiroŭcu źmiaścili ŭ balnicu. Jamu 20 hadoŭ, jon nidzie nie pracuje. Maje bahatuju historyju parušeńniaŭ PDR.
Ciapier pravodzicca pravierka.
Voś tolki jość inšyja niuansy. Partału abw.by napisali nibyta vidavočcy DTZ. Pa ich słovach, mašyna daišnikaŭ niekalki razoŭ taraniła matacykł. Maŭlaŭ, u apošni raz — udała, tamu kiroŭca «Jamachi» i trapiŭ u balnicu. Dyj momantu DTZ na videa, jakoje vykłała milicyja, niama.
DAI paviedamiła, što nie moža nijak prakamientavać hetuju viersiju: materyjały spravy pieradali ŭ Śledčy kamitet. U SK pakul ničoha nie adkazali.
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy2
Kamientary