U Małarycie paśla likvidacyi Zacharčanki malilisia za «ŭbijennaha voina Alaksandra». Što heta było?
Małaryckaja aktyvistka Partyi BNF Ludmiła Ramanovič apublikavała ŭ fejsbuku cikavuju historyju. Jaje maci zavitała ŭ niadzielu, 2 vieraśnia, na słužbu ŭ pravasłaŭny chram Małaryty.
«I raptam śviatar havaryć: pamolimsia za «novaprastaŭlenaha zabitaha voina Alaksandra». Usie molacca. Na siaredzinie słužby znoŭ śviatar zaklikaje pamalica za «novaprastaŭlenaha zabitaha voina Alaksandra». I jaje siabroŭka užo pačynaje chvalavacca, kaho u Małarycie zabili. Naprykancy słužby śviatar zaklikaje pamalicca za Alaksandra treci raz», — piša Ludmiła Ramanovič.
Što ž za zahadkavy Alaksandr, pamiać jakoha ŭšanoŭvali ŭ Małarycie? Zabojstvaŭ «voinaŭ» u rajonie ŭ apošnija dni nie było.
Ale 31 žniŭnia ŭ Daniecku byŭ likvidavany kiraŭnik «DNR» Alaksandr Zacharčanka. Ci nie za jaho malilisia ŭ Małarycie?
U Bresckaj jeparchii «Našu Nivu» zapeŭnili, što ŭ ich «niama śviataroŭ, jakija b malilisia za Zacharčanku».
«Padali zapisku, ja i maliŭsia. Nijakich proźviščaŭ nie było, tolki «Alaksandr». Ni pra jakoha Zacharčanku havorki nie viałosia, heta dadumki i plotki», — tłumačyć sam małarycki śviatar.
Ciapier čytajuć
Čamu ŭ biełaruskaj turmie tak mocna chudziejuć? Tłumačym3
Kamientary