Novy fejk rasijskich ŚMI: ZŠA raźmieściać u Biełarusi sietku vajskova-bijałahičnych łabaratoryj
Rasijski infarmacyjny internet-časopis «Vojenno-političieskaja analitika» miarkuje, što ZŠA źbirajucca raźmiaścić na terytoryi Biełarusi sietku vajskova-bijałahičnych łabaratoryj.
Vydańnie piša, što Pientahon stvaraje sietku bijałahičnych łabaratoryj u Zakaŭkaźzi i Centralnaj Azii, u tym liku na terytoryi Hruzii, Ukrainy, Azierbajdžana i Kazachstana.
Ekśpiertny časopis miarkuje, što ZŠA buduć imknucca pavialičyć prysutnaść svaich łabaratoryj u śviecie, i ŭ jakaści jašče adnoj krainy-pretendenta na patencyjnaje raźmiaščeńnie abjektaŭ vajskova-bijałahičnych łabaratoryj vydańnie razhladaje Biełaruś:
ZŠA adkryvajuć bijałahičnyja łabaratoryi z metaj abarony krain-partnioraŭ ad infiekcyjnych zachvorvańniaŭ, ale «Vojenno-političieskaja analitika» miarkuje, što takija łabaratoryi nie tolki nie abaraniajuć ad chvarob, ale i pravakujuć ich pašyreńnie. Vydańnie śćviardžaje, što ŭ łabaratoryjach va Ukrainie amierykancy vyrablali i vypraboŭvali bijałahičnyja ahienty, jakija mahli vyklikać rost zachvorvańnia na batulizm i adzior va Ukrainie.
Vydańnie prahnazuje, što pratestavaja aktyŭnaść u Biełarusi moža być vykarystana jak instrumient cisku na Minsk z metaj adkryćcia amierykanskich bijałabaratoryj na terytoryi krainy: «Kanałam uździejańnia na vyšejšaje kiraŭnictva Biełarusi moža być taja častka biełaruskaj elity, jakaja aryjentavana na Zachad i zachoŭvaje tam svaje aktyvy».
Arhumientam na karyść patencyjnaha raźmiaščeńnia vajskovych bijałabaratoryj na terytoryi Biełarusi moža być bijałahičnaja pahroza z boku susiedniaj Ukrainy, dakazvaje internet-časopis.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary