Akcior Žerar Depardjo zajaviŭ ab žadańni atrymać hramadzianstva Turcyi, paviedamlaje RBK sa spasyłkaj na tureckuju hazietu Aydinlik.
Adznačajecca, što takuju zajavu jon zrabiŭ u Pchieńjanie, dzie znachodzicca ź vizitam razam z Asacyjacyjaj družby KNDR — Francyja. Pavodle haziety, akcior zajaviŭ, što maje namier naviedać Turcyju ŭ kastryčniku i abmierkavać atrymańnie hramadzianstva z prezidentam krainy Redžepam Taipam Erdahanam.
7 vieraśnia stała viadoma, što Depardjo prybyŭ u Pchieńjan na mierapryjemstvy ŭ honar 70-hodździa ŭtvareńnia KNDR. Akciora zaŭvažyli ŭ bary hatela «Janhakto».
Depardjo atrymaŭ hramadzianstva Rasii ŭ 2013 hodzie, paśla taho jak Francyja ŭviała 75-pracentny padatak na dachody zvyš €1 miljon. Akcior atrymaŭ rehistracyju ŭ Saransku i staŭ uładalnikam kvatery ŭ Hroznym.