Mužčyna zabraŭ z čužoha rukzaka mabilnik i pahadziŭsia viarnuć jaho za 15 rubloŭ. Suprać jaho raspačali spravu
U Minsku raspačali kryminalnuju spravu suprać mužčyny, jaki skraŭ mabilnik i hrošy z zabytaha rukzaka na prypynku. Jon pahadziŭsia viarnuć telefon za 15 rubloŭ, ale jaho zatrymali, paviedamlaje HUUS Minharvykankama.
Mužčyna jechaŭ na rynak i ŭ jaho było šmat torbaŭ. Kali jon vyjšaŭ z transpartu, to na prypynku pakinuŭ adnu ź ich. Praź niekalki chvilin zrazumieŭ — niešta zabyŭsia, i viarnuŭsia, ale kašalok byŭ pusty i mabilnika ŭžo nie było.
Mužčyna patelefanavaŭ na svoj numar — vyklik pajšoŭ, ale adkazvać nichto nie staŭ. Tady jon napisaŭ paviedamleńnie z prośbaj viarnuć telefon za ŭznaharodu 15 rubloŭ. Jamu pryjšoŭ stanoŭčy adkaz. Na sustreču z novym haspadarom mabilnaha telefona pryjšli i apieratyŭniki.
Jany vyśvietlili, što padazravanym u kradziažy mabilnaha telefona i 90 rubloŭ źjaŭlajecca 62-hadovy minčuk. Złamyśnik sam pabajaŭsia iści na sustreču z uładalnikam, tamu paprasiŭ siabra pieradać telefon.
Suprać mužčyny raspačali kryminalnuju spravu pa častcy 1 artykuła 205 («Kradziež») KK Biełarusi. Mužčynu pahražaje da 3 hadoŭ pazbaŭleńnia voli.
Ciapier čytajuć
Zahinuŭ biełaruski dobraachvotnik Vasil «Dzir» Rapicki12
Kamientary