Kniharnia «Akademičnaja kniha» (pr.Niezaležnaści, 72) prapanuje padborku novych vydańniaŭ, jakija možna znajści na jaje palicach.
Volha Łabačeŭskaja. Mastactva dziela słavy Božaj: sałamianyja ikanastasnyja varoty i carkoŭna-kultavyja pradmiety
U knizie možna pabačyć unikalnyja šedeŭry biełaruskaha dekaratyŭna-prykładnoha mastactva — sałamianyja carskija varoty pačatku XIX st. ź ikanastasaŭ paleskich cerkvaŭ.
U albomie pakazany i sučasny praciah unikalnaj tradycyi — vyrab kopij staradaŭnich sałamianych ikanastasnych varotaŭ i šlubnych viancoŭ, aryhinalnych tvoraŭ dla cerkvaŭ — ikanastasaŭ, kijotaŭ ikon, viančalnych karon i mitr dla śviataroŭ.
Kniha ŭzbahačaje viedy ab historyi biełaruskaha mastactva.
50 unikalnych zapaviednych terytoryj Biełarusi
Vydańnie pryśviečana 50 samym kaštoŭnym, asabliva achoŭnym pryrodnym terytoryjam Biełarusi. Čytač aznajomicca ź ich asablivaściami, raślinnym i žyviolnym śvietam, turystyčnymi i rekreacyjnymi resursami.
U knizie jość poŭnyja pieraliki zarehistravanych u miežach kožnaha zapaviednika vidaŭ raślin i žyvioł, uklučanych u Čyrvonuju knihu.
Alaksandr Łakotka. Maršruty biełaruskaha turyzmu: historyka-kulturnyja łandšafty Biełarusi
Kniha pryśviečana pytańniam raźvićcia infrastruktury turyzmu ŭ Biełarusi. U joj - źviestki pra šmatlikija chutary, vioski, miastečki z prykładami miascovych mifałohii i apisańniem navakolnych łandšaftaŭ.
Kniha bahata ilustravanaja. Padadzienyja karty łakalnych rajonaŭ z paznačeńniem rekamiendavanych abjektaŭ, turystyčnymi maršrutami.
Piasecki Siarhiej. Vaviłonskaja vieža. U dvuch tamach
Heta sieryja špijonskich ramanaŭ pra pryhody Juzafa — ahienta polskaj, francuzskaj i anhlijskaj raźviedak u časie Druhoj suśvietnaj.
Michaił Łabkoŭski. Chaču i budu: pryniać siabie, palubić žyćcio i stać ščaślivym
Psichołah Michaił Łabkoŭski absalutna ŭpeŭnieny, što čałaviek moža i maje prava być ščaślivym i rabić tolki toje, što jon choča. Jaho kniha pra toje, jak zrazumieć siabie, zdabyć harmoniju i navučycca radavacca žyćciu.
Adkul u nas uśviadomlenyja i nieśviadomyja tryvohi, strachi, niaŭmieńnie słuchać siabie i budavać adnosiny ź inšymi ludźmi?
Admietnaja rysa padychodu Łabkoŭskaha - u kankretycy. Na luby samaje składanaje pytańnie jon zaŭsiody daje hranična dachodliva adkaz.Aŭtar nie chavajecca za abciakalnymi farmuloŭkami, a vyrazna nazyvaje pryčyny prablem biez kapańnia ŭ dziciačych psichatraŭmach i pilnaha analizu minułaha.
Traścianiec. Trahiedyja narodaŭ Jeŭropy
Kniha pryśviečana trahičnym padziejam, jakija adbyvalisia ŭ 1941—1944 hadach kala byłoj vioski Mały Traścianiec Minskaha rajona. Tut isnavała najbujniejšaja na akupavanaj terytoryi SSSR nacysckaja «fabryka śmierci». Jaje achviarami stali 206,5 tysiačy ludziej.
U knizie źmieščany histaryčnyja źviestki pra vioski Mały i Vialiki Traścianiec, padrabiazny raspoviad pra trahiedyju časoŭ Druhoj suśvietnaj i ŭšanavańnie pamiaci achviar.
Uładzimir Arłoŭ. Belarus. The Epoch of the Grand Duchy of Lithuania
U aryhinale kniha «Kraina Biełaruś. Vialikaje Kniastva Litoŭskaje» vyjšła šeść hadoŭ tamu i zajmieła vialiki pośpiech nie tolki ŭ Biełarusi.
Jana pryśviečanaja najcikaviejšaj eposie biełaruskaj minuŭščyny — časam Vialikaha Kniastva Litoŭskaha, jakoje svajoj histaryčnaj radzimaj ličać nie tolki biełarusy i litoŭcy, ale i ŭkraincy, a taksama biełaruskija tatary i habrei-litvaki.
Ciapier vyjšła pieravydańnie na anhlijskaj movie.
